| 好耐好耐無理呢個BLOG喇!!呢排都做左幾多野行左好幾次街(買左一兩件衫),同朋友食左幾餐飯(其中一餐係法國餐,第一次食一個人2百幾元0既一餐,但都覺得值,甜品超靚又超好食),第一次去左亞洲遊戲展(影左一班GAME GIRL,除此之外根本無野好睇)睇左幾套聖誕擋期必睇大片("投名"最好睇,"魔間"個尾有D鋪排不足,"驚天"都係咁啦無咩悶都無咩驚喜,"魔幻"就普普通通咁啦),開左好多晚夜(真係好多晚,一個星期3,4晚,連平安夜同聖誕都要開夜,所以份糧都多左),終於開始做我0既畢業作品集(但進度極唔理想),得到今年千呼萬喚0既雙糧(所以擁有左人生第一部"X BOX360",就係因為咁我0既2007年就係0係"DEAD RISING"(一隻X BOX360好正0既喪屍GAME)0既喪屍聲中過渡到2008年喇!!!) 至於回顧返2007年,好似無咩特別,但我又覺得今年見識多左野,令我0既性格,生活習慣,代人接物都有D得我自己覺得0既微妙改變,另外朋友好似多返D,但又少左幾個對我都幾重要0既,而我任性而又充滿歪理0既性格0係今年變得更明顯更嚴重,但我覺得呢個就係我0既ICON所以都唔諗住改!因為之前一D經歷變得更唔相信0係我身上有真正0既愛情,雖然好希望身邊有愛錫自己0既人,但又唔敢相信有人會真心愛另一個人,其實呢個諗法係我最想改0既,希望新一年可以有人令我改到!!而0個個纏繞我多年0既前度女友終於可以降格為普通朋友!!07年變得更想搬出去住,但點都計唔掂條數,08年計得掂就好喇!! 最後老套D講句,希望新一年我0既人生可以比較順利啦(我知無咩可能架喇)!!!! (-_-") 極好食甜品1號 極好食甜品2號  
我的DREAM CAR(攝於07遊戲展)!!!!!  
07遊戲展我去0個日我覺得比較好0既GAME GIRL!!     
|
